شەفەق نیوز/ ئمڕوو دووشەممە ٢١ کانون یەکەم ٢٠٢٠ ، نرخ دۆلار لە بازاڕەگان بەغداد وەردەوام بوی لە داوەزین.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٣٨٥٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە هەمیش خود نرخەگە تۆمار کرد.
شەوەکی ئمڕوو، نرخ دۆلار لە بۆڕسەی کیفاح رەسیە ١٤٢٥٠٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش داوەزیا ک نرخ فرووشتن رەسیە ١٣٩٥٠٠ دینار عراقی، ونرخ سەنین رەسیە ١٣٧٥٠٠ دینار وەرانوەر ١٠٠دۆلار ئەمریکی.
بەشیگ لە خاوەن نووسینگەیل خەرجکردنەگان باس لە داوەزینەگە کردن ک لەوەر خستەڕوو فرەیگ ئەرل فرووشتن دۆلار هەس، دویای وەرگردن چەن قانجازیگ لەلایەن بەشیگ لە کڕیارەگان و هاووڵاتیبەگان دویای سنەیتی وە نرخەیل مفتیگ وەرجە بەرزەوبوینی.