شەفەق نیوز/ سەرچەوەیگ ئەمنی، ئمڕوو شەممە، خەوەردا ک ئەندامەیل ریخریاگ داعش پەلامار هیزیگ لە سوپای عراق لە پارێزگای ئەنبار دان، و قوربانی لەلی کەفت.
سەرچەوەگە ئەرا ئاژانس شەفەق نیوز وت: شەفەق ئمڕوو، ئەندامەیل داعش پەلاماریگ لەبان فەوج چوارەم لیوای ٢٩ فیرقەی ٧ فەرماندەی ئۆپراسیۆنەیل جەزیرە و بادیە لە سوپای عراق جیوەجی کردن، لەبان ڕی ستراتیژی لە قەزای هیت لە پارێزگای ئەنبار، ک بۊە هووکار کوشیان دو سەرباز و زەخمداری دوانتر.
سەرچەوەگە وتیش: ئەندامەیل داعش کەمی ئاست نووڕستن لەوەر خوەڵوتوزەگە وەکار هاوردن، ک دۊشەو داگە خوەرئاوای عراق، و دیاری کرد ک هیزەیل سوپای عراق بڵاوبۊنی لەو ناوچە خەسەو کەس، و کەفتە مینەی پەلاماردەرەیل.