شەفەق نیوز/ تاوەرەیل وزەی کارەبا لە پارێزگای نەینەوا، ئمڕوو یەکشەممە، کەفتنە وەر رمانن وە بومبەیلیگ دانریاگ.
سەرچەوەیگ ئەمنی ئەرا ئاژانس شەفەق نیوز وت: ئەندامەیل ریخریاگ داعش، شەوەکی ئمڕوو، دوو تاوەر وزەی کارەبا لە نزیک ئاوای عومەر کان لە ناحیەی نەمروود تەقانەو.
وتیش: تەقینەوەگە بویە هووکار زەرەدەیل گەورایگ لە دوو تاوەرەگە، و نشان دا ک یە دوویەم تەقینەوی تاوەرەیل وزەی کارەبا لەماوەی کەمتر لە یەک مانگ لە نەینەوا.