شەفەق نیوز/ سەرچەوەیگ لە پۆلیس عراقی، ئمڕوو چوارشەممە، خەوەردا لە کوشیان وەلاین کەم شەش کەس لە ئەندامەیل یەک خێزان وەبان دەس چەکدارەیلیگ کە پرتال سەربازی پوشینە لە قەزای سامەرا سەر وە پارێزگای سەڵاحەدین.
سەرچەوەگە وە ئاژانس شەفەق نیوز وت، چەکدارەیل پرتال سەربازی پوشینە تەقە لە شەش کەس ئەندامەیل یەک خێزان کردۆە لەدویای ئەوەگ دەورەی ماڵیان دەن لە ناوچەی عەباسیە لە سامەرا لە ئەنجام دەسوەجی گشتیان کوشیان، و پەلاماردەرەیل ئەرا شوین نادیاریگ واینە.