شەفەق نیوز/ وەزارت تەندروسی وژینگەی عراق، ئمڕوو دووشەممە، راگەیان هەڵوێست پەتای کۆڕۆنا لە وڵاتەگە لەماوەی ٢٤ ساعەت گوزەیشتە.
لە بەیاننامەیگ رەسیە ئاژانس شەفەق نیوز وت: تاقێگە پزیشکیەگانی ٩٨٤ تووشهاتن نوو وە ڤایڕۆس کۆڕۆنا تۆمار کردن، و لە خود وەختەگە ئاماژە وە خاسەوبوین ١٢٥٥ بیمار لە پەتاگە کرد.
وەزارەتەگە دیاری کرد ک ژمارەی مردنەگان لەوەر پەتاگە رەسیە ١٠ کەس، لە ماوەی ٢٤ ساعەت گوزەیشتە.
وەزارەتەگە ئاماژە کرد ک گشت ژمارەی خاسەوبویەگان رەسیە ٥٩٣٣٨٤، وەرێژەی ٩٥،٦٪ ، و گشت ژمارەی تووشهاتنەگان رەسیە ٦٢٠٦٢٠ ، و ژمارەی تووشهاتنەگان لە چارەسەری بویە ١٤١٧٩، و ژمارەی تووشهاتنەگان لە ژیر چەودیری وورد ١٩٨، ز گشت ژمارەی مردنەگان بویە ١٣٠٥٧.