شەفەق نیوز/ وەزیر بازرگانی عراق، مەوقەی دەسکردن وەپڕۆسەى بەشەوکردن سەوەتەى خوەراک تایبەت وە مانگ رەمەزان راگەیان. 

عەلا جبووری وەزیر بازرگانی عراق،  بڵاو کردگە ک "رووژ یەکشەممەى ئایندە  بەشە خوەراک سەوەتەی خوەراک تایبەت وە مانگ ڕەمەزان بەشەو کریەێد". 

وەگورەی راگەیانن وەزیر بازرگانی عراق، داوا لە سەرجەم بریکارەیل بەشەوکردن خوەراک کریاگە لە پرۆسەی بەشەوکردن دۊەم سەوەتەی خوەراک هاووڵاتییەیل لەو ناوچانەیلە دەس وەپیکەن   ک فرەترین رێژەی دانیشتگەیل نەدارنشینن. 

عەلا جبورى وتیش "سەوەتەى خۆراک سەرکەفتن گەورەىگ وەدەس هاوردگە  لە چوارچێوەى پڕۆژەى نیشتیمانى ئەرا دابینکردن خوەراک و هاوکاریکردن هاوڵاتییەیل. 

باس ئەوەیش کرد، بەشەوکردن دۊەم سەوەتەی خوەراک هاووڵاتییەیل سەرجەم پارێزگایل عراق گرێدەو. 

وەگورەی ئەو راگەیاننە، سەوەتەی خوەراک هاووڵاتییەیل ئەرا هەر کەسیگ لە سێ کیلۆگرام برنج و یەک کیلۆگرام شەکەر و نیم کیلۆگرام نژی و نیم کیلۆگرام نخوت و یەک لیتر رۊن و 400 گرام ئاو تەماتە پێک هاتیە.