ئاژانسەگە لە بەیاننامەیگ رەسیە ئاژانس شەفەق نیوز وت: ئەو کەسەیلە ک دەسگیر کریانە، لەناو لێکۆڵینەوەی سەرەتایی ئاشکرای لایەنگرییان ئەرا ریخریاگ داعش لە ساڵ ٢٠١٤ کردن، ک جەنگاوەرەیل ئاژانسەگە توەنستن یەکیگ لە تیرۆرستەیل ناودیار دەسگیر بکەن، کار لە دیوان خوەنەواری داعش کردیە،  و ئەرکی لەناو مەکتەوەیل پارێزگای نەینەوا ئەرا بڵاوکردن هویر تیرۆری لەناو خوەنەوارەیل بویە، و دویەمەگە کار لە دیوان زەکات داعش کردیە، ک پویل زەکات ئەرا خانەوادەیل داعش بەشەو کردیە، و هەمیش لە چەن پەلاماریگ تیرۆری لەبان هیزەیل ئەمنی لە قەزای بێجی مەوقەی ئازادکردن قەزاگە بەشداری کردیە. 

وتیش: تیرۆرست سێیەم، کار لە باڵ مەدەنی لە ویلایەت نەینەوا لەلای داعش کردیە، ک زانیاری لەبان هیزەیل ئەمنی گردوە کەێد، و تیرۆرستە چوارەمەگە جەنگاوەر بویە وەگەرد داعش، و لە چەن پەلاماریگ تیرۆری لەبان هیزەیل ئەمنی لە ناحیەی موعتەسەم بەشداری کردیە، و بومب لەبان ری ناوبەین ویستگەی وزەی کارەبای جالسیە و قەزای زلوعیە داناگە 

وتیش: تیرۆرستە پەنجەمەگە، لە دیوان مزگەفتەیل لەلای داعش کار کردیە، و بانگواز ئەرا مەردمەگە کردیە تا بەشداری لە پەلامارەیل تیرۆری بکەن، و شەشەم تیرۆرست وەناوزناو (ئەبو حەنین) بەشداری لە ڕاهێنان داعش کردیە، وتیش: قسەیان توومار کریا، و ریکارەیل یاسایی وەگورەی مادەی ٤ تیرۆر وەگەردیان ئەنجام دریا.