شەفەق نیوز/ فەرماندەیی پولیس بەسرە، ئمڕوو دووشەممە، توومەتباریگ وە دەسدرویژکردن لەبان ژنیگ لە پارێزگای بەسرە دەسگیر کرد.
فەرماندەییەگە لە بەیاننامەیگ رەسیە ئاژانس شەفەق نیوز وت: مەفرەزەیلی توەنستن ئەو تاوانکارە دەسگیر بکەن ک پەلامار ژنیگ داگە، و خوازیە کیفەگە دەسی بدزێد.
وتیش: گشت ریکارەیل یاسایی وەرانەوەری جیوەجی کریەێد.
جی باسە ک لەبان سۆشیال میدیا پارچە ڤیدیۆییگ بڵاو بوی، لەناوی ئەو گەنجە دەسدرویژی لەبان ژنیگ ریوار کەێد، و بویە جی تویڕە و نەفرەتکردن مەردمەگە، ئیجا کوڕەگە لەداڵگبوی ٢٠٠٢ دەسگیر کریا.