شەفەق نيوز/ فەرماندەی پۆلیس بەغداد، ئمڕوو شەممە، راگەیان دەسگیرکردن چوار کەس دۊیەتیگ گەیاکەر رفاننە تا دەسدرێژی سیکسی وەگەردی بکەن.
فەرماندەگە لە بەیاننامەیگ رەسیە ئاژانس شەفەق نیوز وت: چوار کەس سەرخوەش دۊیەتیگ گەیاکەر لە تەمەن ٢٢ ساڵان رفانن تا دەسدرێژی سیکسی وەگەردی بکەن، باوجی دەوریەیل فەوج فریاکەفتن بەغداد نوایان گردن.
و دیاری کرد ک دەوریەیلە دووان لە توومەتبارەیلە دەسگیر کردن و دۊیەتەگە ئازاد کردن، و ئەو دووانەگە واین، تا هێزەگە بکەفێدە شۊنیان و دەسگیریان بکەێد.