شەفەق نیوز/ سەرچەوەیگ ئەمنی، ئمڕوو شەممە، خەوەردا لە دەسگیرکردن دوو توومەتبار وە تاوان بازرگانیکردن وە پارچەیل ئاسەواری، لەئەنجام کوڵەگردن توکمەیگ لە ناوچەی ئەعزەمیە، باکوور بەغداد، و دیاری کرد ک یەکیگیان ئەندامە لە حەشد.  

سەرچەوەگە ئەرا ئاژانس شەفەق نیوز وت: زانیاریەیل هەواڵگری لە کەسەیلیگ رەسێد بازرگانی وە پارچەیل ئاسەواری کەن، و وەگورەی مادەی ٤٤ لە یاسای سزادان عراقی/ئاسەواری داوا کریانە، وروی وەرە ناوچەی ئەعزەمیە کەن. 

سەرچەوەگە وتیش: تیمیگ دروس کریا، وکوڵەی توکمەیگ نزیک مزگەفت ئەبو حەنیفە نوعمان ئەرایا نریا، و دووان وە تاوانەو دەسگیر کریا، هەرلە (ح.ف)، و(ع.ح) ک ئەندامە لە حەشد شەعبی لە فیرقەی عەباس.    

سەرچەوەگە وتیش: ٥ موهر ئاسەواری جیاجیا لە شیوە و قەوارە لەلیان گریا، و دەسنریا بان ماشینیگ مارکەی تویوتا کراون مودێل ٢٠٠٦ لەلایان، وتیش؛ دوو توومەتبار وەگەرد ماشین وچشتەیل ئاسەواری دریانە دەس بەش هەواڵگری ئەعزەمیە.