شەفەق نیوز/ ئاژانس هەواڵگری و لێکۆڵینەوەی فیدراڵی لە وەزارەت ناوخۆ، ئمڕوو چوارشەممە، خەوەردا لە دەسگیرکردن شەش تیرۆریست لە ناوچەیلیگ جیاجیا لە بەغداد پایتەخت.
ئاژانسەگە لە بەیاننامەیگ وت: ٦ تیرۆریست دەسگیر کریانە، سەرکردەیل ناودیار لە ریخریاگ داعش هاناویان، ک پەلامارەیل تیرۆری دژوە هیزە ئەمنیەیل و خەڵکەگە لە کەرت لەتیفیە لەناو (کەتائیب تەوحید و جیهاد) تیرۆری جیوەجی کردنە.
دیاری کرد ک لە توومارکردن قسەیلیان دەرکەفت ک یەکیگ لەو تیرۆریستەیلە ک دەسگیر کریاگە، بەشداری لە پەلامار بان هیزە ئەمنیەیل و بارەگایلی وە گولەی هاوەن کردیە، هەمیش لە تەقانن تانکەریگ لەبان ماشینەیل سەربازی لە سوپای عراق.
بەیاننامەگە وتیش: ریکارەیل یاسایی لەبان داواکریایل جیوەجی کریا، و هەواڵەیان ئەرا لایەنەیل دادوەری کریا.