شەفەق نیوز/ وەڕیەوبەرایەتی دژەتاوان بەغداد، ئمڕوو چوارشەممە، دەسگیرکردن ژنیگ وەگەرد کوڕ ناخاڵەی راگەیان، ئەوەیش وە توومەت دزیکردن پویل و تەڵا لە ماڵە چووڵەیل وەسنگ گەیاکردن لە بەغداد پایتەخت.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیلی توەنستن ژنیگ وەگەرد کوڕ ناخاڵەی دەسگیر بکەن، لەبان دزیکردن پویل و تەڵا لە ماڵەیل، و چنە ناو ئەو ماڵەیلە ک خاوەنیان لەناویان نییە، و گەردنە ناو کویچەیل وەسنگ گەیاکردن لەناوچەیلیگ جیاجیا لە بەغداد پایتەخت.
وتیش: دویای دووارەبوین کار دزیکردن لە ماڵەیل وەخود شبوەگە، تیمیگ هاوبەش لە ئەفسەرەیل پسپۆڕ وەگەرد سەرچەوەیل زانیاری دروس کریا، و کەفتنە شوین تاوانکارەیل و چەویان وە جویلەیان بوی تا کوڕ ناخاڵەیگ وەگەرد داڵگی دەسگیر کریان.