شەفەق نیوز/ وەڕیەوبەرایەتی دژە تاوان بەغداد، ئمڕوو جمعە، خەوەردا کە مەفرەزەیلی توەنستن خانمە کراکاریگ بیگانە دەسگیر بکەێد لەبان دزیکردن بڕە پویلیگ بایی ١٥ ملیۆن دینار عراقی و ٨٥٠٠ دۆلار ئەمریکی لەناو ماڵیگ لە ناوچەی حەی جامیعە لە بەغداد پایتەخت.
وەگورەی بەیاننامەیگ لە وەڕیەوبەرایەتیەگە، دەسگیرکردن ئەو ژنە دویای رەسین زانیاری لەبار مەفرەزەیل نویسینگەی دژە تاوان خەزرا، کە ماڵیگ کەفتیەسە وەر دزیکردن وەلایەن خانمە کراکاریگ بیگانە، تا وەکوتپڕ تیم کارکردن دروس بکەێد و بڕەسێدە شوین رویداوەگە.
وتیش؛ دویای مینەکردن و گردەوکردن زانیاری، کە رەسیە ئەنجام رەسین ئەرا رانندەی ئەو ماشینە کە توومەتبارەگە گردیەسەی کرا، و مەوقەی لێکۆڵینەوە شوین خانمە توومەتبارەگە نشان دا.
دیاری کرد کە فەرمان دەسگیرکردن ژنەگە جیوەجی کریا، و کاغەزەیل لێکۆڵینەوە خریا وەرچەو دادوەر و بڕیار بەندیکردنی وەگورەی مادەی ٤٤٤ لە یاسای سزادان عراقی لەبانی دەرکرد.
هەرلیوا، ڕەگەزنامەی تاوانبارەگە ئاشکرا نەکرد.