شەفەق نیوز/ وەڕیەوبەرایەتی دژە تاوان بەغداد، ئمڕوو دووشەممە، دەسگیرکردن کریکاریگ بیگانە راگەیان نزیکەی ٥٠ هەزار دۆلار لە خەسەخانەیگ لە بەغداد پایتەخت دزیە.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیل وەڕیەوبەرایەتی دژەتاوان بەغداد/ نویسینگەی مەنسوور، توومەتباریگ بیگانە دەسگیر کردن، لەبان دزیکردن ٣٣ هەزار دۆلار ئەمریکی وەگەرد ٢١ مەلیۆن دینار عراقی لەناو ژوور ژماریاری لە خەسەخانەی هیلال ئەحمەد لەناوچەی مەنسوور لە بەغداد پایتەخت ک کار پاکەوکردن لەناوی کەێد.
وتیش: دادوەر لێکۆڵینەوە بڕیار جیوەجیکردن ریکارەیل یاسایی وەگورەی مادەی ٤٤٦ لە یاسای سزادان لەبانی دەرکرد.