شەفەق نیوز/ وەزارەت ناوخۆی عراق،  ئمڕوو سێشەممە،  راگەیان دەسگیرکردن پیاویگ دۊیای فرووشتن کوڕە کوورپەگەی دۊیای چەن ساعەتیگ لە پەیابۊینی، و هەمیش دەسگیرکردن پیاویگ لە بەغداد خوازە دوو دۊیەت ناخاڵەی بفرووشێد.     

وەزارەتەگە لە بەیاننامەیگ وت: دۊیای رەسین زانیارەیلیگ لەبان کابرایگ خوازێد دوو دۊیەتە ناخاڵەگەی وە ٩ مەلیۆن دینار بفرووشێدە کەسیگ نەناسریاگ،  وە کوتپڕ کوڵە لەلی گریا و توومەتبارەگە دەسگیر کریا و فرووشتنەگە پوچەڵ کریا.      

و دۊیای لێکوڵینەوە وەگەرد توومەتبارەگە و ئاشکراکردن ئی تاوانیە، هەمیش ئاشکرا کرد ک وەرجەیە یەکیگ لە گورچگەیلی فرووشتیە،  و هەمیش کوڕ کوورپەیگی دۊیای چەن ساعەتیگ لە پەیابۊینی فرووشتیەسە خود ئەو کابرای بسینە.