شەفەق نیوز/ شەوەکی ئمڕوو شەممە، دەسکریا خوەینشاندان جەماوەرییگ لەناوڕاس بەغداد پایتەخت، ئەرا زنیکردن سێیەمین ساڵیاد خوەینشاندان تەشرین لەساڵ ٢٠١٩.
ناڕەزایەیل بڕیگ لە داواکرای بەرزەو کردن ک هەر خوەیان داوایل ساڵ ٢٠١٩ بوین، باوجی ئمساڵ بەشداریکردن سەدریەیل وەشیوەیگ ئاشکرا بوی، ک ئەوانیش دروشم رەوتیان بەرزەو کردن، و فرەیان پڕتاڵ سیا پووشێد.
لە ١ تەشرین یەکەم ٢٠١٩، دویای بانگوازەیلیگ لەبان سۆشیال میدیا لەوەر بەدی خزمەتگوزاری و زیایبوین بیکاری، دەسکریا خوەینشاندان، ئیجا لە بەغداد و شارەیلیگ لە باشوور وە شیوەی فراوانیگ بڵاو بوی.
خوەینشاندانەیل کارەیل تونەڕەوی بیوەرینیگ لەبانی کریا، تایبەت هەنای گرووپەیلیگ چەکدار چینە ناویان ک وە "لایەن سێیەم" ناسریا، دەسکردنە کوشتن وبڕین ورفانن ناڕەزا و چالاکوانەیل.
ئەو کارەیلە رەسیە کوشتن نزیکەی ٨٠٠ کەس لە خوەینیشاندەرەیل، و زەخمداری زیاتر لە ٢٧ هەزار، لە وەختیگ ک وەماوەی ئی سێ ساڵە هوێچ لایەنیگ لەبان ئی کارەیلە سزا نەیریا.