وەپای بەیاننامەیگ پۆلیس بەغداد / رەسافە رەسیە ئاژانس شەفەق نیوز، " مەفرەزەگەی وە نوێنەرایەتی (فەوج فریاکەفتن هەفتەم رەسافە) وە هەماهەنگی وەرد دەزگا ئەمنیەیل ترەک ئۆپراسیۆنیگفراوان جیوەجیکردن ئەرا دەسگیرکردن کەسەیل سەرپیچیکەر یاسای نیشتەجیبوین لەناوچەی وەرپرسیارەتی لە ئەنجام 30 کەس لە ناسنامە جیاوازەل دەسگیرکردن کە سەرپیچی یاسای نیشتەجیبوین کردنە، دەسوەسەرکریەن تا تەواوکردن رێکارەیل یاسایی وەرانوەریان".
هەمیش، وەڕێوەبەرایەتی باری شارستانی و گوزەرنامە و نیشتەجیبوین شمارەیگ سەرپیچیکەر لەری فرۆکەخانەی ناودەوڵەتی بەغداد دیپۆرت کرد.
وەڕێوەبەرایەتیگە لە بەیاننامەیگ رەسیە ئاژانس شەفەق نیوز راگەیان، "وەڕێوەبەرایەتی کاروبار نیشتەجیبوین 39 کەس سەرپیچیکەر یاسا دیپۆرت کردن کە سەرپیچی یاسای نیشتەجیبوین عراقی کردنە، لەری فرۆکەخانەی ناودەوڵەتی بەغداد، لەدویای تەقەلادان گەپیگ لە وەدویاچگن و لێپێچینەوە".