شەفەق نیوز/ دەسەڵاتەیل عراق، ئمڕوو سێشەممە، بڕیار هەڵگردن قەیەغەی گەردین لە بەغداد و پارێزگایل دان، دویای کەمتر لە ٢٤ ساعەت لە چەسپیانی.
فەرماندەیی ئۆپراسیۆنەیل هاوبەش، لە بەیاننامیگ کوڵبڕ رەسیە ئاژانس شەفەق نیوز وت: بڕیار هەڵگردن قەیەغەی هامشوو لە بەغداد و پارێزگایل دریا.
لەلای خوەییش، موستەفا کازمی سەرۆک وەزیرەیل عراق، وت: بانگواز سەدر ئەرا وسانن توندوتیژی، بەرزترین ئاستەیل نیشتمانپەروەری ورکداری لەبان مقەیەتیکردن خوین عراقی نشان دەێد، وتیش: وتارەگەی وەرپرسایەتی ڕەوشتی ونیشتمانی خەێدە گەردن گشتی ئەرا مقەیەتیکردن چارەنویس عراق و وازهاوردن لە زوان وەردەوەردەی سیاسی و ئەمنی و دەسکردن وە گفتوگۆ زوی بەرهەمدار ئەرا چارەکردن قەیرانەیل،