شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا ک چەکدارەیلیگ نەناسریاگ کشاورزیگ وە شیوەی نادیاریگ کوشتن، و پیاویگیش وە رمیان قەواسەی ماڵەگەی کوشیا.
سەرچەوەگە ئەرا ئاژانس شەفەق نیوز وت: کشاوەرزەیگ وە پەلاماریگ چەکدار وەلایەن کەسەیلیگ نەناسیاگ لە ئاوای خەزرەج باشوور قەزای بەلەدروز کوشیا.
وتیش: دەزگایل ئەمنی لێکۆڵینەوە لە تاوانەگە واز کردن ک هیمان شیوەگەی نادیارە، و دەرنەکفتیە ئەگەر پەلامار تیرۆریە یا توڵەی هووزانەس یا دوژمنیە.
هەرلیوا، سەرچەوەگە ئەرا ئاژانس شەفەق نیوز وت: پیاویگ لە تەمەن ٦٠ ساڵە مەوقەی کار خاسەوکردن لەناو ماڵەگەی لە ناوچەی بانمیل لە قەزای خانەقین حەمامەگە رمیاسە بانی و گیانی لەدەسدا.
دیاری کرد ک تەرم قوربانیەگە بریا پزشک دادوەری و دەسەڵاتەیل ئەمنی لێکۆڵینەوە لە رویداوەگە واز کردن.