باسم مەجید پسپۆڕ وەزارەتەگە و وەڕیەوبەر وەرین سامانەیل ئاوی لەیالە ئەرا ئاژانس شەفەق نیوز وت: واران و لافاوەیل دەسمیەتی لە ئەوزەڵکردن ئەمار ئاو لە بەنداو و هۆرەیل لە وەرز زمسان و وەهار دان، باوجی ئەمار ئاوەگە وەگورەی ساڵەیل گوزەشتە هیمان کەمە.
وتیش؛ یەکەمین نشانەیل خاسەوبوین رەوش ڕاو خوەی سەرکەفتن پلان کشتوکاڵی زمسانیە.
مەجید باس ریکارەیل وەردەوام وەزارەتەگە کرد ئەرا زیایکردن ئەمار ئاو و وەپشتسەرنان قەیران، وە هەماهەنگی ناودەوڵەتی وەرد دەوڵەتەیل هاوسا و پلانەیل وەزارەتەگە ئەرا کەمخەرجکردن ئاو وە هەماهەنگی وەرد وەزارەت کشتوکاڵی و شارەوانی وە پشتبەسان وە ئاویاری نوو وە
تکەئاو و پووشیان ناوەجووەیل تا ئاوەکە لەدەس نەچوود، وەگەرد هەڵمەت لاوردن زیایچگن.
لەباوەت رەوش ئاو دیالە وت: رەوش ئاو دیالە بەس وەرز تاوسانە خاسە و قەیران ئاو نووشین وەپشتسەرنا وەگەرد وەپشتدەسناین ئاو ئەرا باخەیل.