شەفەق نیوز/ دەزگای ئاسایش نشتمانی، ئمڕوو یەکشەممە، دەسگیرکردن ٩ تیرۆریست راگەیان، یەکیگیان مەزاریگ ئاینی لە دیالە تەقانیە.
دەزگاگە لە بەیاننامەیگ رەسیە ئاژانس شەفەق نیوز وت: مەفرەزەیل دەزگای ئاسایش نشتمانی، لەبنەمای یاداشت دادوەری، توەنست ٩ تیرۆریست لە ناوچەیلیگ جیاجیا لە پارێزگای دیالە دەسگیر بکەێد، یەکیگیان سەرکردەی ناودیاریگە چەن کاریگ تیرۆری جیوەجی کردیە، لەلیان تەقانن یەکیگ لە مەزاریل ئاینی لە پارێزگاگە.
دەزگاگە وتیش: قسەی توومەتبارەیل توومار کریا، و هەواڵەی لایەنەیل دادوەری کریان.