شەفەق نیوز/ پۆلیس پارێزگای دیالە، ئمڕوو پەنجشەممە، راگەیان دەسگیرکردن ٧ داواکریاگ مادە هووشبەرەکان وەپیان بوی.
پۆلیسەگە لە بەیاننامەیگ ئمڕوو وت: هێزیگ هاوبەش لە بەش باوەتەیل هووشبەرەکان و بەش پۆلیس بەعقوبە و خاڵس ودەورەیل فریاکەفتن دیالە ٧ توومەتبار وە وەکارهاوردن و بڵاوکردن هووشبەرەکان دەسگیر کردن و سێ ژن لەناویان بوی.
بەیاننامەگە ئاماژە کرد ک لەلایان دەس نریا بان چشتەیل وەکارهاوردنەگەی و جینەیل جووراجوریگ لە هووشبەرەکان، و ریکارە یاساییەکان وە دژیان بریان و خریانە دادوەری.