شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە خوەیکوشتن کوڕیگ لەناو ئاو، و فەرمانبەریگ وە گولەی هەڕەمەکی زەخمدار بویە.
سەرچەوەگە ئەرا ئاژانس شەفەق نیوز وت: کوڕیگ لە تەمەن ١٦ ساڵان خوەی خستیەسە ناو چەم فوڕات لە قەزای بەتحا و خوەی لەناو ئاو خنکانیە.
سەرچەوەگە دیاری کرد ک ئەو گەنجە ک خوەی کوشتیە خوەنەوار مەکتەوە، و تەرمەگەی وەلایەن دەزگایل ئەمنی دراوریا، و لێکۆڵینەوە واز کریا ئەرا رەسین وە بندروس رویداوەگە.
لەلاییگتر، سەرچەوەگە وت: فەرمانبەریگ لە وەزارەت داد لە تەمەن ٤٤ ساڵان خەڵک قەزای شەترە/ ئاوای ئال عەواد لە باکوور پارێزگای زیقار وە گولەی ویڵیگ زەخمدار بوی.
سەرچەوەگە وتیش: کولەگە لە قوڕگ زەخمدارەگە وسیا، بريا خەسەخانە ئەرا چارەسەری.