شەفەق نیوز/ سەرچەوەیگ ئەمنی وەرپرس لە وەڕێەوبەرایەتی پۆلیس ئەنبار، ئمڕوو جومعە، خەوەردا لە خنکیان دو گەنج تەقەلای خوەیکوشتن دانە، دوپاتکرد ژیان یەکیگیان رزگار کریایە. 

سەرچەوەیگ پۆلیس وە پلەی عەقید ئەرا ئاژانس شەفەق نیوز وت: گەنج 16 ساڵانیگ، هەلسیا وە خوەیکوشتن  لەڕی خوەیخستن ئەرا ناو  چەم فورات لە بان پیەڵ کۊن وەناوبانگ لە فەلوجە.

وتیش، دۊای رەسین وە شۊن رۊداوەگە تیمەیل لە پۆلیس دەریاوان کەفتنە مینەی لاشەی ئەو کەسەیلەی خوەیان کوشتنە وە ئومید رزگارکردنیان وەرجە ئەوەگ گیان لە دەس بیەن، سەرەرای تەقەلایلیان تائیسە پۆلیس دەریاوان نەتۊنستیە تەرمەگە پەیا بکەێد.   

سەرچەوەگە وتیش، لە دۊیەشەو لە وەخت دیریگ ژیان گەنجیگ هەم وەی شیوە قورتارکریایە وتیش، ئەندامەیل پۆلیس گەنجیگ پەیاکردۊن ک خوەی فڕە داسە ناو چەم لەوەر رەدکردن خوازین دوسەگەی ، ئەرا مقەیەتیکردن کردن لە سەلامەتی و تا بار دەرۊنی خاسەوبوود خریا زیندان. 

لەلایگتر سەرچەویگ ئەمنی خەوەردا وە ئاژانسەگە ک مەدەنییگ گیان لەدەس دایە لەئەنجام وە لەیەکداین ماتوور سکێل وەگەرد ماشینیگ لە رێ ویستگەی بەلەد گەشتیاری، وتیش، تەرم قوربانیەگە ئەرا پزیشک دادوەری کلکریایە.