شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە خوەیکوشتنیگ لە شار موسڵ و زەخمداری چوار کەس لە مەرافەیل جیاجیا لە بەغدا.  

سەرچەوەگە وە ئاژانس شەفەق نیوز وت، پۆلیس دەریاوانی شەفەق ئمڕوو تەرم گەنج بیست ساڵانیگ پەیاکردن ک دویەشەو لەبان بەرزترین پیەڵ موسڵ خوەی خستیەسە ناو چەم دجلە.  وەپای خەوەرەگە ئەو تەرمە لەو شوینە پەیاکریایە ک خوەی کوشتیە، ئاوەگە ئەرا شوین دویریگ نەوردیەسەی.  

و لە بەغدای پایتەخت سەرچەوەگە دیاریکرد،  کەسیگ زەخمداربویە لە مەرافیگ وەگەرد ئاموزایەیلی رەسیەسە وە وەکارهاوردن چەک سوک لە ناوچەی فزێلیە لە خوەرهەڵات بەغدا. 

لە گەرەک جەزایر لە ناوچەی شەعب باکوور بەغدا  مەرافەیگ قومیایە و رەسیەسە وەکارهاوردن چەک چەرمگ دو کەس لەلیان وە چەقوو زەخمداربوینە و ئەوانەیتر واینە. 

هەر وەگورەی سەرچەوەگە، لە ناوچەی ئەمین دویەم لە خوەرهەڵات پایتەخت مەرافیگ وە هووکار تووپان رویدایە و کەسیگ گولە تەقانیە وەبان مال برادەرەگەی و خاوەن ماڵەگە زەخمداربویە و ئەرا خەسخانە کلکریایە و کەس دویەمیش وایە.