شەفەق نیوز/ سەرچەوەیگ ئەمنی لە قەزای حەبانیە لە پارێزگای ئەنبار، ئمڕوو یەکشەممە، خەوەردا لە خوەیکوشتن گەنجیگ وە سێدارە لەناو مزگەفتیگ لەناو شارەگە. 

سەرچەوەگە ئەرا ئاژانس شەفەق نیوز وت: بەشیگ لەنمازکەرەیل مەوقەی چگنیان ئەرا نماز شەوەکی لە مزگەفت رەحمان لە ناوچەی سیسی لە قەزای حەبانیە، تەرم گەنجیگ پەیا کردن کریاسە دارەو.  

سەرچەوەگە دیاری کرد ک ئەو گەنجە ک خوەیکوشیە ناوی (سگەر) لەتەمەن ٢٤ ساڵانە، و دیاری کرد ک لێکۆڵینەوە سەرکیەیلە دەرخەن ک قوربانیەگە زیان لە بیماری سەروینی دیرێد.  

لەی ماوەیک دویایینە، خوەیکوشتن لە ئەنبار زیایەو بویە، و پسپۆڕەیلیگ کۆمەڵایەتی باس ئەوە کەن ک هووکارەیل ئی خوەیکوشتن زیایە ک بویەسە سیمایگ چوودەو ئەرا خراوبوین رەوش ئابووری و هووشبەری وەگەرد گرفتەیلیگ خیزانی.