شەفەق نیوز/ هێزە ئەمنیەیل عراق، ئمڕوو چوارشەممە، کەسیگ دەسگیرکردن خوەی وە "بڕیکار کۆمپانیای نەفت رووسی" ناسانیە، و مەردم هەڵخەڵەتانیە وە 250 هەزار دۆلار لە پارێزگای موسەنا باشوور وڵاتەگە.
وەپای سەرچەوەیگ ئەمنی، قسە ئەرا ئاژانس شەفەق نیوز کرد، وەپای ئەو زانیارەیلە وەردەسن کەسیگ خوەی وە بڕێکار کۆپانیای نەفت (باش نەفت رووسی) جەهانی ناسانییە، هەڵسیایە وە هەڵخەڵەتانن شمارەیگ کۆمپانیا و هاوڵاتی و لەلیان بڕە پویلیگ زیاتر لە (250) هەزار دۆلار ئەمریکی وەرگردیە، و(76) مليۆن دينار عراقی، وە بیانۆی ئەوەگ ئەو ناوەندگیری کەێد لەناوەین کۆمپانیا جەهانیەیل".
سەرچەوەگە وتیش، "تیمیگ کارکردن دروسکریاس لەدویای وەرگردن رەزامەنی دادگا، ناونیشان و شوین توومەتبارەگە دیاریکریا و دەسگیرکریا، کە ئەندازیاریگە لە پاڵاوگەی سەماوە".