شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە تۆمارکردن ٣ رووداو کوشیان، لەلیان خوەیکوشتن دوێەتیگ، و کارەباگردن کەنجیگ، و خنکانن گەنجیگ تر.
سەرچەوەگە ئەرا ئاژانس شەفەق نیوز وت: گەنجیگ بیس ساڵان لەناو ماڵەگەی لە قەزای فەجر لە پارێزگای زیقار کارەبا گردەی و گیانی لەدەسدا.
لە رووداویگ تر، سەرچەوەگە دیاری کرد ک دوێەتیگ لە تەمەن ١٧ ساڵان وە لەچکیگ لەناو حەمام ماڵەگەیان لە قەزای چبایش لە باشوور شار ناسریە خوەی کوشت.
هێزە ئەمینیەیلە تەرم گەنجیگ ١٧ ساڵان لە چەم بو عەزم لە ناسریە دراوردن، ک خوازێد هووکارەی مەلەوانی بوود و خنکیا.