شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە مردن چوار مناڵ لە یەک خیزان وە رویداو هاتوچو لەبان ری بەغدا کەرکوک.
سەرچەوەگە وە ئاژانس شەفەق نیوز وت، رویداوەگە لە ئەنجام پلیان ماشینیگ "پرادۆ"بویە لەبان ری ناوەین بەغداد و کەرکوک لەنزیک سەربازگەی "شەهید ئەبو مونتەزەر محەمەداوی" کە لەناوی خیزانیگ شەش کەسی بویە داڵگ و باوگ و چوار مناڵ.
وتیش، رویداوەگە بویە مدوو گیان لەدسدان چوار مناڵەگە و باوجی داڵگ و باوگە قورتاریان بویە، دیاریکرد خیزانەگە دانشتگ بەغدای پایتەختن لە ناوچەی ئەعزەمیە.