شه‌فه‌ق نيوز/ ئه‌نداميگ له‌بان فراكسيۆن حكمه له ئه‌نجومه‌ن نوێنه‌ره‌يل، باس له‌وه كرد مسته‌فا كازمى سه‌رۆك وه‌زيره‌يل تويش فشاره‌يليگ سياسى هاتگه له‌باره‌ى پۆسته‌يل و ده‌سكه‌فته‌يل شه‌خسى و له هه‌مان وه‌خت ريگرى له‌لى ئه‌كريه‌ێد دوسيه‌يل گه‌نده‌ڵى واز بكا ك له‌لاى ده‌سه‌ى ده‌سپاكى وجوود ديرێد.
له‌ى باوه‌ته‌و، عه‌لى بدێرى ئه‌را ئاژانس شه‌فه‌ق نيوز وت: مسته‌فا كازمى سه‌رۆك وه‌زيره‌يل هه‌ر له سه‌ره‌تاى دامه‌زرانن حكومه‌ته‌گه‌ى تائيسه تويش ناڕه‌حه‌تى و فشاره‌يل سياسى بويه‌سه‌و له‌لايه‌ن بريگ له حزبه‌يله‌و له‌وه‌ر خاتر ده‌سكه‌فتن پۆست و ده‌سكه‌فته‌يل شه‌خسى له ده‌وڵه‌ت عراقى.
بدێرى هه‌ميش وت: حزبه‌يل سياسى له‌ڕى هووكاره‌يل ره‌سانن وه شيوه‌يگ قسه ئه‌كه‌ن و له‌ڕاسييش قسه‌يل تر ئه‌كه‌ن و ئمڕوويش فشار ئه‌خه‌نه بان سه‌رۆك وه‌زيره‌يل و ريگرى له وازكردن دوسيه‌يل گه‌نده‌ڵى له‌لى ئه‌كه‌ن.