شه‌فه‌ق نيوز/ عه‌باس ماهر قايمقام قه‌زاى زوبێر سه‌ر وه پاريزگاى به‌سره ئاشكراى تۆماركردن سێ تويشبوين تازه كرد وه ڤايرۆس كۆرۆنا ئه‌را كه‌سه‌يل به‌شداربوێ له‌و پرسه ك له‌ى دوياخره ساز كريا.
ماهر له به‌ياننامه‌يگ وت: ده‌رئه‌نجام وشكاننه‌يل تاقيگايى ئه‌را 15 كه‌س وه‌ركه‌فته‌ى تويشبويه‌يل وه‌رين وه ڤايرۆسه‌گه ده‌ركه‌فته ك 3 له‌ليان تويش بوينه له پرسه‌گه‌ى هارسه له به‌سره.
زويتريش سه‌رچه‌وه‌يگ پزيشكى ئه‌را شه‌فه‌ق نيوز ئاشكراى تۆماركردن حاڵه‌تيگ تر تازه وه ڤايرۆس كۆرۆنا كرد له پاريزگاى به‌سره دوياى به‌شداريكردنى له پرسه‌گه‌و ئاماژه وه‌يه‌يش كرد 6 حاڵه‌ت تر تازه‌يش وه كۆرۆنا له ناوچه‌ى مشراق له‌ناوڕاس شار تۆمار كريانه.
جى باسه، هه‌مان سه‌رچه‌وه ئه‌را شه‌فه‌ق نيوز وت: مه‌فره‌زه‌يل ئامار ته‌ندروستى تويه‌نستنه له پاريزگاگه زياتر له 40 حاڵه‌ت تويشبوين وه ڤايرۆس كۆرۆناى تازه تۆمار بكه‌ن ك زوورميان وه‌ركه‌فته‌ى حاڵه‌يل وه‌رين بوينه.