شەفەق نیوز/ وەزارت تەندروسی وژینگەی عراق، ئمڕوو پەنجشەممە، راگەیان تۆمارکردن زیاتر لە ٥٠٠٠ تووشهاتن نوو وە ڤایڕۆس کۆڕۆنا لە ناوچە وشارەبل عراق لەماوەی ٢٤ ساعەت گوزەیشتە.
وەزارەتەگە لەبەیانامەیگ رەسیە ئاژانس شەفەق نیوز وت: ٥١٧٠ تووشهاتن نوو وە ڤایڕۆس کۆڕۆنا تۆمار کرد تا گشت ژمارەی تووشهاتنەکان بڕەسێدە ٧٤٥٦٤٢.
وتیش؛ ٣٠٥٧ بیمار لە پەتاگە خاسەو بوین تا گشت ژمارەی خاسەوبویەکان بڕەسێدە ٦٧٤٣٤٥.
وەگورەی بەیاننامەی تەندروسی، ٢٦ تووشهاتگ لەوەر پەتاگە ئمڕوو مردن، تا گشت ژمارەی مردنەکان لەوەخت بڵاوبوین پەتاگە لە عراق بوودە ١٢٦٧١.