شەفەق نیوز/ تووڕ CNN ئەمریکی، ئمڕوو شەممە، وت؛ دەس ئیسرائیل لەناو ئەو گورز ئاسمانیە وەبان سەربازگەی "كالسو"ی حەشد شەعبی لە عراق باکوور پارێزگای بابل دویرە.
تووڕە ئەمریکییەگە لەەزوان وەرپرسیگ ئیسرائیلی وت: تەل ئەبیب کاریگ وەو راپۆرتەیلە نەیرێد کە باس تەقینەوەیلیگ لەناو عراق لە شەو جمعە کەن.
وەگورەی قسەی CNN لەزوان ئەو وەرپرس ئیسرائیلە کە ناوی ئاشکرا نەکرد؛ ئیسرائیل کاریگ وەو پەلامارە نەیرێد کە بارەگای حەشد شەعبی کردە ئامانج.
ئی تەقینەوەیلە لە نزیک بەغدای پایتەخت دویای یەی رووژ لەو گورزەیلە هات کە سەربازگەیگ لە ئیسفەھان ئیران کردنە ئامانج.
وەرپرسیگ ئەمریکی ئەرا تووڕ CNN وەرپرسایەتی ئەو گورزەیلە وەبان ئیسفەھان خستە مل ئیسرائيل.
سەرچەوەیگ ئەمنی ئەرا ئاژانس شەفەق نیوز وت: ٨ کەس لە ئەندامەیل حەشد شەعبی زەخمدار بوینە و کەسیگیش کوشیاگە، لەو گورز مووشەکیە کە سەربازگەی کالسو لە باکوور پارێزگای بابل کردنە ئامانج.