شه‌فه‌ق نيوز/ ليژنه‌ى ته‌ندروستى نوێنه‌رايه‌تى، وشدارى دا له‌باره‌ى له‌ده‌سداين تواناى كۆنترۆڵكردن ڤايرۆس كۆرۆناو فراوانبوينه‌وه‌ى په‌تاگه له وڵاته‌گه، يه‌يش برده‌و ئه‌را پابه‌ند نه‌وين وه رينمايه‌يل و رێ وشوونه‌يل قه‌يه‌غه‌ى خوه‌يپاريزى.
له‌ى باوه‌ته‌و، سوها موسه‌وى ئه‌ندام ليژنه‌گه ئه‌را ئاژانس شه‌فه‌ق نيوز، وت: هووكاره‌يل زيايبوين حاڵه‌ته‌يل تويشبوين و شماره‌يل رخه‌وبه‌ر ئه‌چێده‌و ئه‌را پابه‌ندنه‌وين وه ڕێ وشوونه‌يل قه‌يه‌غه‌و گرده‌وبوين له شوونه‌يل گشتى.
باس له‌وه‌يش كرد ئه‌و كه‌سه‌يليشه ك له‌ده‌يشت وڵاته‌گه‌وه گله‌و ئه‌خوه‌ن پابه‌ند نه‌وينه وه رێ و شوونه‌يل قه‌يه‌غه‌و وه‌ركه‌فته‌ى كه‌سه‌يل تر بوون وه‌بى ئه‌وه‌گ گووش وه مه‌سه‌له‌گه و مه‌ترسيه‌يل په‌تاگه بيه‌ن.
جى باسه، موسه‌وى هه‌ميش وت: مه‌ترسيه‌يل گه‌ورايگ ها نوامان وه‌ل زيايبوين حاڵه‌ته‌يل تويشبوين وه ڤايرۆس كۆرۆنا له وه‌رده‌وامى و داوايش له لايه‌نه‌يل ته‌ندروستى كرد ئاماريگ گشتگير ئه‌نجام بيه‌ن له وڵات و هه‌ڵمه‌ت فراوان ئه‌نجام بيه‌ن جوور ئه‌وه‌گ له شار سه‌در ئه‌نجام ئه‌گرێد ئه‌را ده‌رخستن حاڵه‌ته‌يل تويشبوين و له‌وه‌رگرتن رێ وشوونه‌يل ته‌ندروستى.