شه‌فه‌ق نيوز/ وه‌رپرسيگ ناوچه‌يى له سه‌ڵاحه‌دين ئاشكراى كوشيان 3 كه‌س له حه‌شد شه‌عبى و زه‌خمداربوين 3 كه‌س تر كرد له ئه‌نجام ته‌قينه‌وه‌يگ له ده‌ورگرد قه‌زاى شه‌رگات له باكوور سه‌ڵاحه‌دين.
له‌ى باوه‌ته‌و، خه‌يروڵڵا مه‌جيد قايمقام شه‌رگات له باسيگ ئه‌را شه‌فه‌ق نيوز وت: مينيگ له‌چاڵنرياێ له ديم چه‌پ شه‌رگات ته‌قيه‌سه ده‌وريه‌يگ حه‌شد شه‌عبى- ليواى 36 و له‌ئه‌نجاميش 3 كه‌س كوشتگه‌و 3 كه‌س تريش زه‌خمدار كردگه.
جى باسه، مه‌جيد باس له‌وه‌يش كرد هووكار ئى رويداگيشه له‌وه‌ر بۆشايى ئه‌منيه ك هيزه‌يل سوپا هيشنه‌سه‌ى جى له‌و ناوچه دوياى كيشانه‌وه‌ى خاڵه‌يليان وه‌رجه نزيكه‌ى دو هه‌فته.