شەفەق نیوز/ پارێزگای کەربەلا تاوانیگ کوشتن ژنیگ ناو بیس ساڵان وەدەس شویەگەی وەخوەی دی، ک شویەگە توومەتبارە وە بازرگانیکردن وە مادەی هوشبەر، لە رویداویگ جادەی کەربەلایی لەرزان. 

باوگ ژنە قوربانیەگە ئەرا ئاژانس شەفەق نیوز وت: دویەتەگە لە داڵگبوی ساڵ ٢٠٠٠، وەرجە ٩ ساڵ شوی کرد، وەلێ هویچ دڵخوەشییگ نەیاشت، ک شویەگەی گفت ولفتی تاڵ بوی، وهەمیشە تونوتیژ بویە وەگەرد دویەتەم، و هەمیشە رەنگی زەرد بوی و تەندروسیی بەد بوی. 

وتیش: شویەگەی کار لە بازرگانیکردن لە مادەی هوشبەر کردیاد، و دویەتەگەم لەی کاریە رازی نەوی، و تا زوور بارێدە بانی، هات لەماڵ باوانی دانیشت.  

ئی کارە تا ٤ مانگ کیشا، باوجی شویەگە هەر واز لەو کاریە ناورد، و هاتیادە ماڵمان تا ژنەگەی گلەو بەێد، وەلی دویەتەگەم گلەو نەخوارد، ئەوەیش دەسکردیا قسەی بەد وناونەسەق، تا رەسیادە هەڕشە.     

وتیش: خەوەردار باوان کوڕەگە لە رەفتارەیلی کردیمن، وەلێ بیخود، تا رووژیگ وە ماتووەسکڵ، خوەی و براگەی وە چەک هاتە دەر ماڵمان دەسکردە تەقەکردن، و وەگولەیگ دویەتەگەم کوشت، و منیش زەخمدار بویم.    

وتیش: تاوانکارەگە دەسگیر کریا، ومنیش پرسەی دویەتەگەم نیەنەم تا تاوانکارەگە نەدریەێدە سێدارە،  وداوا لە موستەفا کازمی سەرۆک وەزیرەیل کەم خوەی لێکۆڵینەوە لەی کارە بکەێد.