شەفەق نیوز/ وەزارت تەندروسی عراق، ئمڕوو پەنجشەممە، لێدوان لە دەرچگن بنچینەی نوو ڤایڕۆس کۆڕۆنا دا، و ئاماژە کرد ک راپۆرتەگان زیاتر تووشهاتنەگان لەلای مناڵەگان چەسپانن.
ریاز عەبدولئەمیر حەلفی وەڕێۆبەر تەندروسی گشتی لە وەزارەتەگە وت: ئەو راپۆرتەیلە ک وەپیمان رەسینە باس زیاتر تووشهاتنی لەلای مناڵەگان کەن، و ئاماژە کرد ک وەزارەتەگە ئەوەسا لێکۆڵینەوەگانی ئەرا ئاشکراکردن هەر تووشهاتن نوویگ وە ڤایرۆسە نووەگە خەسەو کەێد.
وتیش؛ ئەوەسا وەزارەتەگە دەسکەێدە هەڵمەتەیلیگ تەندروسی لە مەکتەوەیل بنەڕەتی و ناوەندی تا زوی ئاشکرای تووشهاتنەگان بکەێد