شەفەق نیوز/ فەرمانگەی تەندروسی دیالە، ئمڕوو سێشەممە، ئاشکەریکرد، تیمیگ وشکنین پزیشکی لەناویانیش دەرمانساز هەس لە خاڵە وشکنینەیل دەروازەی پارێزگاگە بڵاوکردیە ئەرا قەیەغەی هاوردنە ناو دەرمان و پداویستیە پزیشکی وەسەرچگەیل.
وەڕێوبەر راگەیانن تەندروسی دیالە فارس خزێر عەزاوی وە ئاژانس شەفەق نیوز وت؛ فەرمانگەگەیان " تیمیگ وشکنین پزیشکی تایبەت و دەرمانسازەیل بڵاوکردن لە بڕیگ خاڵە وشکنینەیل سەرەکی پارێزگاگە ئەرا قەیەغەی هاوردنە ناو دەرمان و پێداویستی پزیشکی وەسەرچگەیل" دیاریکرد لەماوەی دوو رووژ گوزەشتە دەسنریایە وەبان دوو تەن دەرمان و پێداویستی پزیشکی دەس وەبانی گیریایە.
عەزاوی وتیش،" درمان و پێداویستی پزیشکیەیلە لە ری دەروازەی نافەرمی پارێزگاگە هاوردەی ناوچەیل باکوور کریایە لەری قاچاغەو"، دووپاتکرد هیزەیل ئەمنی و تیم وشکنین تەندروسی دەسنانە وەبان دەرمان و کەرەستەیلە وە هەماهەنگی بەرزە و وەردەوامیگ وەرد گشت دەزگا و لایەنە تایوەتەیل.