شەفەق نیوز/ تیدروس ئەدونهام  گیریوس وەڕێۆبەر گشتی ریکخراو تەندروسی عراق، ئمڕوو چوارشەممە، ئاشکرای مەوقەی رەسین تاقەبەشەیل واکسین کۆڕۆنا ئەرا عراق کرد.

ئەوەیش لە چەوپیکەفتنیگ هات وەگەرد نۆێنەر هەمیشەیی عراق لەلای نووسینگەی نەتەوە یەکگرتووەکان لە جنێڤ سویسری، وەگورەی خەوەر ئەحمەد سەحاف قسەکەر وەناو وەزارەت دەرەوە ئەرا ئاژانس شەفەق نیوز.

وەگورەی بەیاننامەگە؛ نۆێنەر هەمیشەیی عراق لەلای نووسینگەی نەتەوە یەکگرتووەکان لە جنێڤ، چەوی کەفتە وەڕێۆبەر گشتی رێکخراو تەندروسی جهانی و سوپاس خوەی ئاڕاستەی تەقەلایل رێکخراوەگە کرد لە رینماکردن دەوڵەتەکان ئەرا نواگردن پەتای کۆڤید-١٩.

لەلای خوەییش، وەڕێۆبەر رێکخراوەگە دووپات کرد لە نزیکەوبوین رەسین یەکەم چین لە واکسینەکان ئەرا عراق ک رەسێدە ٥٦٨٠٠٠ تاقەبەش، و دیاری کرد ک لە ١٥ی ئادار ٢٠٢١ باریان ئەرا عراق کریەێد، و دوویەم چینەگە ک رەسێدە ١،١٥٧،٠٠٠ تاقەبەش لە ١٥ی نیسان بار کریەن، و ئیجا ئەو چینەکان ک رەسنە ١٦ مەلیۆن تاقەبەش رەسنە عراق.