شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەر لە تەقینەوەیگ لەبان کاروانیگ هاوپەیمان ناودەوڵەتی لە پارێزگای دیوانیە باشوور عراق دا.
سەرچەوەگە ئەرا ئاژانس شەفەق نیوز وت: بومبیگ دروسکریاگ تەقیە بان کاروانیگ هاوپەیمان ناودەوڵەتی ئەرا پاڵپشتی لۆجستی لەبان ری ناودەوڵەتی لە نزیک پرۆژەیل مامرەکان لە پارێزگای دیوانیە.
سەرچەوەگە وتیش؛ تەقینەوەگە نەویە هووکار هیچ زەخمداریگ یا زەردەیلیگ دارایی لە کاروانەگە، و ریەگەی خوەی وەرەو بەغداد پایتەخت بردە سەر.