سەرچەوەگە وە ئاژانس شەفەق نیوز خەوەردا، بۆمبیگ درسکریاگ ناوخوەیی لەنوای چێشتخانەی kfc دانریاگە لە ناوچەی جادەی فەلەستین و تەقیاگە لە ئەنجام زەرەد مادی رەسانییە وەبی ئەوەی باس لە زەرد گیانی بکرێد.
فەرماندەیی ئۆپراسیۆنەیل بەغداد، ئمڕوو لە بەیاناامەیگ راگەیان، دوو کەس نەناسریاگ وەبان ماتۆرسکیڵ بۆمبیگ دروسکریاگ ناوخوەییی وشاننەـ وەپای رای پسپۆر بەڵگە تاوانەیل ـ لەنوای دەر یەکیگ لە چێشتخانەیل لە چوارچمگ کویچەی 506 ناوچەی "شارع فەلەستین" لای رەسافە، لە ئەنجام تەنیا زەرد وە روی دەێشت چێشتخانەگە رەسانیە.
وەپای بەیاننامەگە، دەسوەجی ری دەرچگن ناوچەگە بەسریاس و تیمیگ کارکردن هاوبەش دروسکریا (بەش پۆلیس باب ئەلشێخ، فەوج فریاکەفتن بەغداد/شەشەم) وەپشت بەسین وە هەواڵگێری، رویکردنە شوین رویداوەگە لەدویای نوڕینە کامیرەیل و وەدویاچگن ئەرایان کریا ئاشکەرابوین و رەسین وەپیان و دەسگیرکریان، دیاریکرد دەسنریا وەبان ماتۆرسکیڵیگ و چەک (دەوانچە) کە وەپیان بویە رادەس بنکەی پۆلیس قەنات کریانئەرا تەواوکردن رێکارەیل یاسایی وەرانوەریان.