بلاسخارت لە پەیام کۆتایی ساڵ کە ئاژانس شەفەق نیوز چەودیاریی کرد وت: وە گلەوخواردن ئەرا پارەکە، وتم لە سای ئارامی سیاسی و ئەو دەرفەت رووشنە کە لە ئاسووەو دیارە، عراق دەرفەت خاسیگ دیرێد ئەرا وەنواچگن زویوەزی لە ئەوزەڵبوین وەردەوام، و دویای رەدبوین ساڵیگ، وەڕاسی گامەیل گرنگ و هەڵمەتەیلیگ هاتنە دی.
وتیش: و ڵاتەگە کەفتیەسە رووژیگ کە توانای وەدەسهاوردن بڕیگ دەرفەت کەفتیەسە وەردەمی، و ئەوەیش جیوەجیکردنی کار ئاسانیگ نییە، تەنیا توەنم دووارەی واژەیل ئەنتۆنیۆ گوتیرش ئەمیندار گشتی لە سەردانی لە وەختیگ گوزەشتە لەی ساڵە بکەم کە وت: نەتەوە یەکگرتگەیل پابەندە وە پاڵپشتیکردن عراق ئەرا قایمکردن دامودەزگایل دیموکراتیی و تەکاندان پاچگ ئاشتی و ئەوزەڵبوین وەردەوام و ماف مرۆڤ ئەرا گشت عراقیەیل.
وتیش: لە جیای خیزان نەتەوە یەکگرتگەیل لە عراق ئومید ساڵیگ نوو خوەشی پڕ لە ئاستی و عافیەت ئەرا گشت ئیوە خوازم.