شەفەق نیوز/ فەرماندەی پولیس پارێزگای دیوانیە، ئمڕوو دووشەممە، دەسگیرکردن کابرایگ راگەیاننک وە کوشتن دویەت خوەی لە ئەنجام ناکۆکی خیزانی لە یەکیگ لە ناوچەیل پارێزگاگە.
پولیس لە بەیاننامەیگ رەسیە ئاژانس شەفەق نیوز وت: مەفرەزەیل دژەتاوان توەنستن توومەتباریگ لە دانیشتگەیل پارێزگای دیوانیە گەڕەک عەسکەری دەسگیر بکەن، دویای کوشتن ژنیگ لەناو تەمەن سی ساڵان.
وتیش: باوگ قوربانیەگە لەناو لێکۆڵینەوە ئاشکرای کوشتن دویەتەگەی کردیە، ک وە دەوانچەیگ کۆلومبی کوشتیەسەی، و لە مەوقەی بردنی وەرەو خەسەخانە گیانی لەدەسدایە، ئەوەیش دویای مرافەیگ خیزانی.
وتیش: گشت ریکارەیل یاسایی جیوەجی کریا، و توومەتبارگە هەواڵەی دادگا کریا.