شەفەق نیوز/  باڵیۆزخانەی ئەمەریکا لە عراق، ئمڕوو پەنجشەممە، و لەجیای جۆ بایدن سەرۆک ئەمریکا، و ئەنتۆنی بلینکن وەزیر دەرەوە، و تولەر باڵوێز ئەمریکا و گەل ئەمریکا پیرووزبایی لە عراقیەیل وە جەژن رەمەزان کرد.

باڵیۆزخانەگە لە بەیاننامەیگ رەسیە ئاژانس شەفەق نیوز وت: ئیمە لە شاند ئەمریکا لە عراق، زانیمن ک عراق هەکاتی وڵاتەیل فرەیگ هالە وەر بڕی لە سەختیەیل، ک هیمان پەتای کۆڕونا سای سەنگین خوەی خستیەسە بان جهان وەگشتی و ژیان و کارەیلمان شیوانیە، و فرە لە مەردمەگە ئەوەسا وەبی خیزانەیلیان جەژنەگە گوزران کەن.

بەیاننامەگە وتیش؛ وەگەرد هاوبەشەیلمان لە عراقیەیلە  کار کەیمن تا بیلیمن عراقیەیلە هەس وە ئارامی لەناو خاک خوەیان بکەن و هەمیش ئابووریەگە خاسەو بکریەێد.

بەیاننامەگە وتیش؛ لە هاوبەشی ئەمریکی عراقی، وەرد یەکەو وەرەو ناو چیمن، پێشکەفتنیگ لە نواگردن ڤایڕۆس کۆڕۆنا وەدەس تیاریمن، وەرد یەکەو کار ئەرا خاسەوکردن ئەوەگ وە کردەوەی داعش زەرەدمەن بوی، و دەسمیەتی ئاوارەیل تا ئەرا میلکانیان گلەو بخوەن، وەرد یەکەو مینەی رییەیل نوویگ کەیمن تا ئابووری عراق خاسەو بکەیمن، و نوای سەختیەیل ئاڵشتبوین کەشوهەوا بگریمن.

بەیاننامەگە وتیش؛ کارەیل فرەیگ هەس بایەدە ئەنجامیان بیەێمن، باوجی ئیمە گامەیل فرەیگ بڕیمنە، و هیمان ئەمریکا پابەندە وە هاوبەشیەگەمان وەگەرد گەل عراق و کار ئەرا ئەنجامدان ئامانج هاوبەشمان کەیمن ئەرا عراقیگ ئەمان و ئارام و پێشکەفتگ.