شەفەق نیوز/ سەرچەوەیلیگ ئەمنی، ئمڕوو دووشەممە، خەوەردان لە کوشیان دوو ژن وە رویداویگ هاتوچو، ورزگارکردن ژنیگتر لە خوەیکوشتن، و دەسگیرکردن توومەتباریگ مەلیۆنا دینار دزیە، لە بەغداد پایتەخت و پارێزگای بەسرە.
سەرچەوەیل ئەرا ئاژانس شەفەق نیوز وتن: ژنیگ لە تەمەن ٧٠ ساڵان گیانی لەدەسدا وژنیگیش زەخمدار بوی لە رویداو تلیان وە ماشینیگ "کەیا بارهەڵگر" لە جادەی بەغداد نزیک چوارڕیان تەئمیم لە ناوچەی حەیانیە لە پارێزگای بەسرە.
وتیش: رانندەی ماشینەگە ک رویداوەگە کرد دەسگیر کریا.
هەمیش لە بەسرە، سەرچەوەیل وتن: چەکدارەیلیگ نەناسریاگ چینە ناو ماڵیگ لە ناوچەی بەرازعیە و تەڵا وەبایی ٦٠ مەلیۆن دینار عراقی، و ١٢ مەلیۆن دینار پویل دزین، و لەو شیونە واینە، ودیاری کرد ک ماڵەگە چووڵ بویە.
لە بەغداد، دەوریەیل پۆلیس کیندی، ژنیگ رزگار کرد تەقەلای دایە لەبان پیەڵ جەمهوریە خوەی بخەێدە خوار تا خوەی بکوشێد.
هەرلیوا، دژە تاوان بەغداد، دەسگیرکردن توومەتباریگ راگەیان ک ١٥٠ مەلیۆن دینار، و ٦١ هەزار دۆلار ئەمریکی لەناو ماڵیگ خوەرهەڵات بەغدای پایتەخت دزیە.
مەفرەزەیل پۆلیس بەغداد، هەمیش دەسگیرکردن بڕیگ توومەتبار راگەیانن ک ماتۆڕسکیل و توکتوک دزینە، و تومەتبارەیلیگ جانتای ژنانە، ودولانەیل دزینە، و هەمیش کەسەیلیگ وە توومەت ساختەکاری، و تاوانی جیاجیا.