شەفەق نیوز/ کەشناس عەلی جابر زیادی، ئمڕوو دووشەممە مەزەنەکەێد، واران بوارێد لە بڕیگ لە ناوچەیل بەغدای پایتەخت، لەهەمان وەخت دیاریکرد ئەرا واران وارینیگ وە تونی ناوڕاس تا رفت لە هەرێم کوردستان مزگانی "زمسان نواوەختە" دەێد.
زیادی وە ئاژانس شەفەق نیوز وت، " مەزەنەیل دیاریکەن ئەور دروسبوود دەرفەت واران وارین بوود لە شەوەکی ئمڕوو دووشەممە وە تایبەت لەبەشەیل باکوور وەگەرد دەرفەت وارین کەمیگ لە باکوور پایتەخت وە پرزەیل لەیەکەودویر".
وتیش " دەرفەتەگە لە ئیوارە کەمەوبوود، دوارە لە رووژ سێشەممە و نیمەڕو چوارشەممە گلەوخوەد وەجویریگ مەزەنەکریەێد واران مامناوەنیگ تا گڕمەهڕ بوود لە ناوچەیل باکوور هاتێ لەبڕیگ ناوچە فرە بوود.
زیادی دیاریکرد، " سوو و نیمەڕو چوارشەممە دەرفەت وارانیگ هەڕەمەکی هەس لەبەشە جیاوازەیل بەغدای پایتەخت و رومادی و بەشەیل خوەرئاوا".