سەرچەوەگە وە ئاژانس شەفەق نیوز وت، کەسیگ بۆمبیگ ئاگری ئەرا ماڵ خانمە راگەیانکاریگ لە وەزارەت رووشنهویری عراق دایە لە کویچەی "ئەبودشیر" لە ناوچەی دەورە.

وتیش: تەنیا زەرەد مادی رەسیە.

وتیش هێزیگ لە پۆلیس بەغدا کەرخ ئاخڵەی شوین رویداوەگە دانە و وە کامیرەیل چەودێری چگنە و توەنستنە تاوانبارەگە دەسگیربکەن، دەرچگە ئەندامە لە ئاژانس هەواڵگێری، تا ئامادەکردن خەوەرەگە هووکار رویداوەگە نەزانیاس.

وەڕێوەبەرایەتی دژە تاوانەیل بەغداش لە بەیاناامەیگ راگەیان، توەنستنە ژنیگ دەسگیربکەن کە توومەتبارە وە دزین (١٥) ملیۆن دینار عراقی لەناو یەکگ لە ماڵەگان ناوچەی حەبیبیە خوەرهەڵات بەغدا.

لە بەیانامەگە وتیش، لەدویای رەسین زانیاری وە مەفرەزەیل نویسینگەی حەبیبیە دژە تاوانەیل کە ماڵیگ رویوەروی دزیکردن بویە دەسکردنەس وە ئۆپراسیۆن دەسگیردنی، لەدویای ئەوەگ گشت زانیاریەیل جەمەوکریا وە تەقەلای هونەری رەسینەس وە توومەتبارو دەسگیری کردنە.

وەپای بەیانامەگە، پەڕەی لێکۆڵینەوە نریایە وەردەم دادوەر لێکۆڵەر و بڕیار دایە وە زیندانیکردنی وەپای بڕگە مادەیل 446 لەیاسای سزادان.