شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا هێزیگ ئەمنی توەنستنە دویەتیگ ئازاد بکەن و دوو ژن دەسگیربکەن لەناو ماڵیگ نیشتەجیبوین لە ناوچەی سێدیە لە باشوور بەغداد.
سەرچەوەگە وە ئاژانس شەفەق نیوز وت، زانیاری رەسیە لەری مەفرەزەی ناوخوەی پیلاندانان سەر وە فەرماندەیی ئۆپراسیۆنەیل بەغدا دویەت رفیایگ هەس لەناو ماڵیگ لەناوچەی سەێدیە.
وتیش، دەسوەجی وە سەرپەرشتی فەرماندەی پۆلیس بەغدا کەرخ و دەوریەیل فریاکەفتن سێدیە تیم کارکردن دروسکریا، لەدویای ئاخڵەدان ماڵەگە دویەتە رفیاگەگە دەسگیرکردنە و دوو ژن دەسگیرکردنە لەناو ماڵەگە، دیاریکرد رێکارەیل یاسایی وەرانوەریان گیرێد.
قسەکەر شانەی راگەیانن ئەمنی عەمید موقداد میری لە بەیاننامایگ رەسیە ئاژانس شەفەق نیوز وت، مەفرەزەیل ئۆپراسیۆنەگان بەغدا دوو کەس دەسگیر کردنە بڕیگ گەپ لەمادەی هووشبەر وەپیان بویە لە ناوچەی کەمالیە.