شەفەق نیوز/ سەرچەوەیگ چەودێر، ئمڕوو دووشەممە، ئاشکراکرد ک بەرهەم ساڵح سەرۆک کۆمار ئەوەسا کۆبونەوە کەێد وەگەرد سەرۆکایەتەگان هەرێم کوردستان ئەرا باسکردن لە هەفت باوەت.
سەرچەوەگە ئەرا ئاژانس شەفەق نیوز وت: ئەوەسا دووشەممە لە هەولێر سەرپەرشتی کۆبونەوەیگ کەێد وەگەرد سێ سەرۆکایەتی هەرێم کوردستان ( سەرۆکایەتی هەرێم و حکومەت و پەرلەمان) .
ودیاریکرد ک ساڵح وەگەرد سێ سەرۆکایەتەگە باس کەێد لە هەڵبژاردن و رەوش تەندروسی لەسای پەتای کۆڕونا و رێککەفتن شەنگال و مووچەی فەرمانبەرەیل و گرفتەیل هەرێم و بەغداد و رەوش کەرکوک و بوودجەی ٢٠٢١.
سەرچەوەگە ئاماژەکرد ک ساڵح هەمیش لە هەولێر چەویکەفێدە مەسعود بارزانی سەرکردەی کورد