شەفەق نیوز/ فەرمانگەی تەندروسی پارێزگای دیالە، ئمڕوو شەممە، توومارکردن بەرزترین ئامار لە رویداوەیل هاتوچو وەماوەی ئی ساڵە راگەیان.
فارس عەزاوی وەڕیەوبەر راگەیانن تەندروسی ئەرا ئاژانس شەفەق نیوز وت: وەماوەی ئی ساڵە، و وەرجە تەواوبوینی وە سێ مانگ، دیالە زیاتر لە ٥٠٠٠ رویداو هاتوچو لە گشت پارێزگاگە توومار کرد، کە بویە هوکار ٢٠١ قوربانی و سەدان لە زەخمدار و کەمئەندامەیل.
وتیش: ئامار ئەو رویداوەیلە بەرزترینە لە میژوو پارێزگاگە، و مەزەنە کریەێد لەسای رەوشەیل ئیسە بەرزەو بوود، وتیش: ئەو ئامارە لەوەر سیستەم ریوبان و ژاوەژاو هامشوو لەبان ماتۆرسکڵ و توکتوکەیل بوود.
عەزاوی داوای داناین پلانەیل هاتوچو توکمەیلیگ کرد ئەرا چارەکردن گرفتەیل و هوکارەیل ئەو رویداوەیلە کە رووژانە خەڵک کوشێد، کە لە تیرۆر ئی ساڵەیل گوزەشتە کەمتر نییە.